په‌رله‌مانتارێكی گۆڕان: پێشنیار و داواكاری مامۆستایان ده‌گه‌یه‌نینه په‌رله‌مان و ئه‌نجومه‌نی وه‌زیران
27/09/2020
په‌رله‌مانتارێكی فراكسیۆنی گۆڕان له په‌رله‌مانی كوردستان رایده‌گه‌یه‌نێت: پشتگیری ته‌واوی داوا ڕه‌واكانی مامۆستایان ده‌كه‌ین و ئه‌و پێشنیار و داواكاریانه‌ی هه‌یانه بۆیان ده‌گه‌یه‌نینه په‌رله‌مان و ئه‌نجومه‌نی وه‌زیران.
یاسین خدر، په‌رله‌مانتاری فراكسیۆنی گۆڕان له په‌رله‌مانی كوردستان به سایتی فه‌ڕمی بزوتنه‌وه‌ی گۆڕانی ڕاگه‌یاند: له خه‌مه‌كانی مامۆستاین ده‌گه‌ین و نوێنه‌ری داواكارییه‌كانیان ده‌بین، پێوسته به‌زوی وه‌ڵامی داواكاریه‌كانیان بدرێته‌وه چونكه هه‌مومان قه‌رزاری مامۆستایانین، حكومه‌ت قه‌رزاری فه‌رمانبه‌ر و مامۆستایانه و پێوسته له خه‌مه‌كانیان تێبگات.
ئه‌و په‌رله‌مانتاره‌ی فراكسیۆنی گۆڕان ده‌شلێت: ئه‌مڕۆ هاوكات له‌گه‌ڵ ناڕه‌زایی مامۆستایان سه‌ردانمان كردوون و داواكاریه‌كانمان لێوه‌رگرتون و وه‌ك ئه‌ركی خۆمان به‌دواداچونی ته‌واو بۆ داواكاریه‌كانیان ده‌كه‌ین و له‌گه‌ڵ لایه‌نی به‌رپرس له په‌یوه‌ندی ده‌بین بۆ جێبه‌جێكردنی داواكانیان.