كۆبونه‌وه‌ی جڤاتی نیشتیمانی بزوتنه‌وه‌ی گۆڕان ده‌ستیپێكرد
30/01/2021
تایبه‌ت به دۆخی رێكخراوه‌یی و پرسی ئاماده‌كاری بۆ كۆنفرانسی قه‌زاكان و كۆنفرانسی نیشتمانی و پڕكردنه‌وه‌ی به‌رپرسیارێتی رێكخراوه‌یی له ئۆرگانه‌كان و خانه‌ی راپه‌ڕاندن، كۆبونه‌وه‌ی جڤاتی نیشتیمانی ده‌ستیپێكرد.
پێشنیوه‌ڕۆی ئه‌مڕۆ شه‌ممه 30/1/2021 كۆبونه‌وه‌ی جڤاتی نیشتیمانی بزوتنه‌وه‌ی گۆڕان به سه‌رپه‌رشتی عومه‌ر سه‌ید عه‌لی ڕێكخه‌ری گشتی بزوتنه‌وه‌ی گۆڕان ده‌ستیپێكرد.
سه‌باره‌ت به كۆبونه‌وه‌كه له ڕاگه‌یه‌ندراوێكدا ژووری ڕۆژنامه‌وانی بزوتنه‌وه‌ی گۆڕان ڕایگه‌یاند: رۆژی شه‌ممه 30/1/2021، كۆبونه‌وه‌ی جڤاتی نیشتمانی، تایبه‌ت به دۆخی رێكخراوه‌یی و پرسی ئاماده‌كاری بۆ كۆنفرانسی قه‌زاكان و كۆنفرانسی نیشتمانی و پڕكردنه‌وه‌ی به‌رپرسیارێتی رێكخراوه‌یی له ئۆرگانه‌كان و خانه‌ی راپه‌ڕاندن به‌ڕێوه‌ده‌چێت.
جڤاتی نیشتمانی دامه‌زراوه‌ی سه‌ركردایه‌تی بواره‌كانی كاری سیاسی، رێكخراوه‌ی، كارگێری، دارایی و میدیایی بزوتنه‌وه‌ی گۆڕانه.
جڤاتی نیشتمانی بزوتنه‌وه‌ی گۆڕان، به‌رزترین ده‌سه‌ڵاته له‌نێوان دوو هه‌ڵبژاردندا، سه‌رپه‌رشتی هه‌موو ده‌زگا و دامه‌زراوه‌كانی چاودێری و هه‌ڵسه‌نگاندنی ئه‌دای هه‌موو ئاسته‌كانی په‌یكه‌ره‌ی رێكخراوه‌ییه.
وێنه.. بڕیار نامیق