خه‌ڵاتی ڕێزلێنان به‌خشرایه خانه‌واده‌ی بزوێنەری راپەڕینی شاری كفری
10/03/2021
لەساڵڕۆژی راپەرینی شارەکە، مەکۆی کفری بزوتنەوەی گۆڕان ماڵی عەلی سور شەھیدی فەرماندە و بزوێنەری راپەرین لەکفری بەسەردەکاتەوە.
ئەمڕۆ چوارشەممە ھاوکات لەگەڵ ساڵیادی رزگارکردنی شاری کفری، ئەنجومەنی قەزای کفری بزوتنەوەی گۆڕان و پێشمەرگە دێرینەکان ماڵی فەرماندە و پێشمەرگەی پارتیزان شەھید عەلی سوریان بەسەرکردەوە کە لە خەباتی پێشمەرگایەتی و پارتیزانی لە ناوچەی گەرمیان و کفری رۆڵی کاریگەری ھەبوە.
هاوکات لە رزگارکردنی شاردا پێش دەستپێکی راپەرین لەگەڵ ھاورێ پارتیزانەکانی رۆڵی سەرەکی و بزوێنەریان ھەبوە و لە دوای راپەرینش یەکێک بوە لەو فەرماندانەی کە بەرگری لە شاری کفری کردوە
تا رادەستی رژێم نەکرێت.
مەکۆی کفری بەو بۆنەیەوە رێزلێنانی شکۆ و شەرەفەمەندی پێشکەش بە خانەوادەکەی کرد.