ئەنجومەنی قەزای کفری گۆڕان: جێگەی نەنگییە دوای 38 ساڵ لە تاوانی ئەنفال، هێشتا بکەرانی تاوانەکە دادگایی نەکراون.

ئەنجومەنی قەزای کفری گۆڕان ڕایدەگەیەنێت؛ تاوانی ئەنفال كە مەرگەساتێکی تراژیدی ڕژێمی لەناوچوو بەسەر گەلی کورددا هێنای بە هەشت قۆناغ كە قۆناغی سێ سەخترین و پڕ ئازار ترین قۆناغی بوو زۆرینەی ناوچەی گەرمیان و قوڵایەکەی دەوروبەری شاری کفری گرتەوە، هەزاران گەنج و پیر و ژن و منداڵی تێدا كرانە قوربانیی.

دەڵێت:  پەرلەمان و حکومەتی هەرێم و دواتریش ڕوخانی بەعس بەرهەمی ئەنفال و خەبات و شەونخونی و ئازار و قوربانیدانی گەلی کورد بوون، بەڵام جێگەی نەنگییە دوای 38 ساڵ لەو ئەنفال، هێشتا بکەرانی تاوانەکە دادگایی نەکراون و بەردە بناغەکانیش تەنها بۆ وێنەگرتنن و هیچیان لێ سەوز نەبووە.

ڕاگەیەندراوی ئەنجومەنی قەزای کفری بزوتنەوەی گۆڕان
لە سی و هەشتەمین ساڵیادی تاوانی نەگریسی ئەنفال
کەسوکاری سەربەرزی شەهیدانی ئەنفال
ئەنفال وەک مەرگەساتێکی تراژیدی کە ڕژێمی بەعس بەسەر گەلی کوردا هێنای هێشتا برینەکانی ساڕێژ نەبووەتەوە ، بەعس کە ئەجێنداکەی شێواندنی کەلتووری کوردەواری و کوێرکردنەوەی ئاوایی و سەرچاوەکانی ژیان بوو ئەنفالی بە هەشت قۆناغ بەسەر مییلەتەکەمان بەجێهێنا، قۆناغی سێ کە سەخترین. و ۆڕ ئازار ترین قۆناغی بوو زۆرینەی ناوچەی گەرمیانی گرتەوەو قوڵایەکەی دەوروبەری شاری کفری گرتەوە هەزاران گەنج و پیر و ژن و مناڵ زیندە بەچاڵ کران ، بەرهەمی ئەنفال و خەبات و شەونخونی گەلی کرد پەرلەمان و حکومەتی هەرێم و دواتریش ڕوخانی بەعس بوو،
بەداخەوە ئێمە کە ئێستا ساڵیادی ئەم تاوانە دژ بە مرۆڤایەتیە دەکەینەوە هێشتا نەوە و کەسوکاری قوربانیانی ئەنفال وەک پێویست نە خزمەت کراون و لە دۆخێکی دەروونی ناجێگیر دان و تا ئێستاش زۆرینەی ئەو مستەشار و جاشانەی کە بەشداری شاڵاوی بەدناوی ئەنفال بوون نەدراونەتە دادگا.
کەسوکاری سەربەرزی شەهیدانی ئەنفال.
گەرمیان و کفری و ئاواییەکانی دەوربەری سەرەڕای حوکمڕانی چەند ساڵەی کوردی بەداخەوە تاوەکو ئێستا خزمەتگوزارییەکان وەکو پێویست نین و گوند و لادێکان وەکو پێویست نەبوژاونەتەوە ، لەناو شاریش بەتایبەت کفری ئەو بەردی بناغانەی کە لەساڵیادی ڕاپەڕین و ئەنفالی ساڵانی ڕابردوو دانراون جگە لە بۆ وێنەگرتن و چالاکی هیچی لێ سەوز نەبووە و زۆربەی ئەو پرۆژانەشی کە لەژێر فشاری خەڵکی ناڕازی بە بەرهەم هاتوون ئێستا بە پینە و پەڕۆ چاک دەکرێنەوە ، نەنگی و جێگای داخە لەدوای سی و هەشت ساڵ لە مەرگەساتی نەئفال بەداخەوە کەسوکاری سەربەرزی شەهیدانی ئەنفال بەو شێوەیە خزمەت بکرێن.
درود بۆ رۆحی شەهیدانی ئەنفال
نەفرەت لەبکەر و ئەنجام دەرانی تاوانی ئەنفال
بزوتنەوەی گۆڕان
ئەنجومەنی قەزای کفری