بەشی سێیەمی خولی پەرەپێدانی توانای مرۆیی بۆ هەڵسواوانی گۆشەی بەریتانیا بەڕێوەچو
20/06/2021
لەدرێژەی کار و چالاکییەکانی گۆشەی بەریتانیا و ژوری سەرچاوە مرۆییەکانی بزوتنەوەی گۆڕان، رۆژی شەممە 19/6/2021 لەڕێی پڕۆگرامی (زوم) بەشێوەی ئۆنلاین بەشی سێیەمی خولی پەرەپێدانی توانای مرۆیی بۆ هەڵسوڕانی گۆڕان سەربە گۆشەی بەریتانیای بزوتنەوەکە رێکخرا.
لە خولەکەدا دلێر عبدولخالق رێکخەری ژوری رۆژنامەوانی بزوتنەوەی گۆڕان، چەند وانەیەکی لەبارەی ئاڵنگارییە میدیاییەکانی بەردەم بزوتنەوەی گۆڕان پێشکەش کرد.
دواتر بەشداربوان چەندین پرسیار و سەرنج و تێبینییان لەسەر میدیای گۆڕان خستەڕو و پاشان لەلایەن دلێر عبدولخالق وەڵامی سەرنج و تێبینییەكان درانەوە.
لەم خولەدا 8 بۆ 12 کاتژمێر وانە لە لایەن چەند کەسێکی شارەزا لەماوەی 4 هه فتەدا دەوترێنەوە.