وێنە؛ کۆبونەوەى ژورى پەیجورى و باژێروانەکانى بزوتنەوەى گۆران

بۆ تاوتوێکردنى پڕۆسەى هەڵبژاردنە ناوخۆییەکان و هەنگاوەکانى بەستنى کۆنفڕانسى نیشتیمانى بزوتنەوەى گۆڕان و هەڵبژاردنى ئەنجومەنى نوێنەران، کۆبونەوەى ئاسایى ژورى پەیجورى لەگەڵ باژێروانەکانى بزوتنەوەى گۆڕان بەڕێوەچو.

لەسەرەتاى کۆبونەوەکەدا ئاسۆ رەحیم، سکرتێرى کاروبارى باژێرەکان و ئەندامى خانەى راپەڕاندن، ستایشى ئەنجومەنى قەزاکانى بزوتنەوەى گۆڕانى کرد بۆ بەسەرکەوتویى بەڕێوەبردنى قۆناغى یەکەمى هەڵبژاردنە ناوخۆییەکان بۆ هەڵبژاردنى ئەنجومەنى بازنە و رایەڵەکان، هەر لە کۆبونەوەکەدا گفتوگۆ کرا لەبارەى دانانى میکانیزمى گونجاو بۆ دەستپێکردنى قۆناغى دوەمى هەڵبژاردنە ناوخۆییەکان کە هەڵبژاردنەوەى باژێروان و دەستەى بەڕێوەبەرى قەزاکان، کە ئەو دەستانە وەک چەترى کارى رێکخراوەیى بزوتنەوەى گۆڕان لە قەزاکان رۆڵ دەبینن.

لە کۆبونەوەکەدا جەخت کرایەوە لە بەگەڕخستنى زیاترى هەوڵ و ئامادەکارییەکان بۆ رێکخستنى هەنگاوەکان بە ئامانجى بەستنى دوەم کۆنفرانسى نیشتیمانى بزوتنەوەى گۆڕان.

هەروەک پرسى خۆئامادەکردن بۆ کەمپەینى هەڵبژاردنى پێشوەختى ئەنجومەنى نوێنەرانى عێراق تەوەرێکى دیکەى کۆبونەوەکەى ژورى پەیجورى و باژێروانەکان بو، کە بڕیارە لە مانگى تشرینى یەکەمى ئەمساڵ بەڕێوەبچێت و بزوتنەوەى گۆڕان لە چوارچێوەى لیستى هاوپەیمانى کوردستان کاندیدەکانى پێشکەش دەکات.