رەوەندى کوردیى لە سوید پشتیوانى هاوپەیمانى کوردستان دەکەن

شاندى بزوتنەوەى گۆڕان و یەکێتى نیشتیمانى کوردستان لە سوید هەماهەنگى و کارى پێکەوەیى تاوتوێ دەکەن بۆ چڕکردنەوەى هەوڵەکان لەپێناو سەرخستنى هاوپەیمانى کوردستان لە هەلبژاردنى ئەنجومەنى نوێنەرانى عێراق.

لەپێناو هەمئاهەنگی  زیاتر و پشتیوانیکردنی هاوپەیمانی کوردستان و کاندیدانى بزوتنەوەی گۆڕان و یەکێتی نیشتیمانی کوردستان لە نێو هاوپەیمانێتیەکە بۆ پەرلەمانی عێراق، شاندێکی بزوتنەوەی گۆران کە پێکهاتبو لە ئامانج مەلاعەلی و نیهاد هێرانی و نەبەز نامیق لەگەڵ شاندێکی یەکێتی نیشتیمانی لەسوید کۆبونەوە.

لە کۆبونەوەیەکەدا هەردوولا  هاوپەیمانی کورستانیان وەک پێوییستییەکی مێژوویی زانی بۆ ئەم قۆناغە و پێیان وابوو هاوپەیمانی نێوان بزوتنەوەی گۆڕان و یەکێتی نیشتیمانی کوردستان دەبێتە بەهێزبوونی پێگەی کورد لەبەغداد و زامن کردنی بەدەستهێنانی مافە دەستورییەکانی گەلەکەمان و شایستە داراییەکانی هەرێمی کوردستان لە بەغداد.