"پێویستە راگرتنى پلەبەرزکردنەوەى فەرمانبەران هەڵبوەشێنرێتەوە"

گوڵستان سەعید، سەرۆکی فراکسیۆنی گۆڕان لە پەرلەمانی کوردستان لە وتەى فراکسیۆندا کە لە دەستپێکردنەوەى دانیشتنەکانى وەرزى نوێى یاسادانان پێشکەشى کرد داوا دەکات؛ بۆ چارەسەرى قەرزى نێوان حکومەت و هوڵاتیان داوا دەکەین یاساى لەبرى خستن و (مقاصە) لەم وەرزە پەسەند بکرێت و پاشەکەوتى موچە بۆ موچەخۆران بگەڕێتەوە، لەگەڵ راگرتنى ئەو کارە نایاسایییانەى حکومەت پەیڕەوى دەکات لە راگرتنى پلە بەرز کردنەوەى فەرمانبەران.

هەروەک ئاماژەى بەوەکرد؛  هەنگاوەکانی چاکسازیی وەک پێویست نیە و هەمو بوارەکانی نەگرتوەتەوە،  جەخت دەکاتەوە لەوەى بەهێزی هەرێمی کوردستان لە ئەنجامدانی چاکسازیی گشتگیردایە و سەرجەم سێکتەرەکان بگرێتەوە.
وتیشى:  دەبێت کۆتایی بە دابەشكاری 43 بە 57 بێت و پڕۆژە یاسای بودجە رەوانەی پەرلەمان بکرێت و فشار لە حکومەتیش بکرێت بۆ دروستکردنی سندوقی داهاتە نەوتی و گازییەکان.