کۆبونەوەى جڤاتى گشتى بە ئامادەبونى لیژنەى باڵاى کۆنفڕانسى نیشتیمانى بەڕیوەچو

ئەمڕۆ یەکشەممە (25/9/2022) بە ئامادەبونى لیژنەى باڵاى ئامادەکارى دوەم کۆنفڕانسى نیشتیمانى بزوتنەوەى گۆڕان، کۆبونەوەى ئاسایی جڤاتى گشتى بۆ تاوتوێکردنى دوایین ئامادەکارییەکانى کۆنفڕانس بەڕێوەچو.

لە کۆبونەوەکەدا کە بە ئامانجى تاوتوێکردن و زانینى دواین ئامادەکارییەکانى بەستنى دوەم کۆنفڕانسى نیشتیمانى بزوتنەوەى گۆڕان رێکخرابو، سەرۆک و ئەندامانى لیژنەى باڵا بەرچاوڕونیان دایە ئەندامانى جڤاتى گشتى لەبارەى قۆناغەکانى کۆتایی ئامادەکارییەکان و راپۆرتەکانى لیژنە تایبەتمەندەکانى کۆنفڕانس و کۆبونەوەکانیان لەگەڵ کۆى ئۆرگانە رێکخراوەییەکانى بزوتنەوەکە.

لاى خۆیانەوە ئەندامانى جڤاتى گشتى، سەرنج و تێبینییەکانى خۆیان بۆ سەرخستن و بەستنى کۆنفڕانسێکى سەرکەوتو  خستەڕو بەشێوەیەک کە وەڵامگۆى خواستى ئێستاى رێکخراوەیی بزوتنەوەى گۆڕان و قۆناغەکە و گۆڕاخوازان و هەڵسوڕاوانى یەکە رێکخراوەییەکانى بزوتنەوەى گۆڕان بێت.