بەڵێن ئیسماعیل: تا سندوقی داهاتە نەوتی و گازییەکان دروست نەکرێت پڕۆسەى نەوت، پڕۆسەیەکى ناڕون و نا شەفافە

پەرلەمانتارێکى گۆڕان رایدەگەیەنێت؛ پێویستە سندوقی داهاتە نەوتی و گازییەکان دروست بکرێت، چونکە تا ئەو سندوقە دروست نەکرێت پڕۆسەى نەوت، پڕۆسەیەکى ناڕون و نا شەفافە.

بەڵێن ئیسماعیل، سەرۆکى لیژنەى دەسپاکى پەرلەمانى کوردستان، رایدەگەیەنێت؛ حەوت ساڵە یاساى سندوقى داهاتە نەوتی و گازییەکان دەرکراوە، بەڵام تائێستا حکومەت ئامادە نیە ئەو سندوقە دروست بکات لەکاتێکدا دروستکردنى ئەو سندوقە شەفافیەتێکى باش لە داهاتى نەوت دەهێنێتە ئاراوە و زۆرینەى گومان و سەرنجە جدییانەى لەسەر ئەو کەرتە ناهێڵێت.

سەرۆکى لیژنەى دەسپاکى جەخت دەکاتەوە لەوەى؛ تا کار بەو یاسایە نەکرێت و سندوقى داهاتە نەوتى و گازییەکان دروست نەکرێت، پڕۆسەى نەوت پڕۆسەیەکى ناڕون و نا شەفافە.

ئەوە لەکاتێکدایە لە رۆژى (1/4/2015)ـەوە یاساى ژمارە دوى ساڵى (2015) کە یاساى سندوقى کوردستانە بۆ داهاتە نەوتى و گازییەکان پەسەند کراوە، بەڵام حەوت ساڵ تێپەڕیوە و هێشتا سندوقەکە دروست نەکراوە و ئەوەش وایکردوە گومان ناڕونى زۆر لەسەر پڕۆسەى داهات و خەرجى نەوت هەبێت.