شاندیکی مەکۆ و سەرۆکى فراکسیونی گوڕان سەردانی خانەوادەى ئازادکراوانی بادینانان دەکەن

29/03/2023

شاندیکی مەکۆی بادنیان و سەرۆکى فراکسیونی گوڕان لە پەرلەمانی کوردستان و  ئەنجومەنی پارێزگای دهۆکى بزوتنەوەى گۆڕان سەردانی خانەوادەى ئازادکراوانی بادینانان دەکەن و سەرۆکى فراسیۆنى گۆڕانیش دەڵێت: چۆن لە رابردو لەگەڵ خەم و ئازار و داواکارییەکانیان بوین و پشتیوانمان کردن، ئێستاش بۆ لە نزیکەوە ئاگاداربون لە دۆخیان سەردانمان کردن.

گوڵستان سەعید، سەرۆکى فراکسیۆنى گۆڕان لەبارەى سەردانەکەوە بە سایتى (گۆڕان)ى راگەیاند: لەسەرەتاى دەستگیرکردن و زیندانیکردنى دەستگیرکراوانى بادینانەوە هەڵوێستەکانى ئێمە وەک فراکسیۆن رون بون بەوەى داواى ئازادکردنیانمان کردوە و وەک یەکەم فراکسیۆنى پەرلەمان بەشدارى دانیشتنەکانى دادگا مان کردوە و پشتیوانى کەیسەکانمانیان کردوە
هەر ئەرکێکیش خانەوادەکانیان داوایان کردبێت بەدەمیانەوە چوین تا کارئاسانى و رێکخستنى دیدار و چاوپێکەوتنەکانیان ئەو کاتەى لە زیندان بون.

وتیشى: لە ماوەى رابردوودا بەردەوام چاودێرى رەوشى یاسایى و دۆخى تەندروستی زیاندانیکراوانى بادینانمان کردوە و پەیوەندیمان لەگەڵ خانەوانەکانیان هەبوە و بەسەرمان کردوەتەوە، ئیستاش ویستمان دواى ئازادکردنیان لە خۆشیەکانیشیان بەشداربین و لەگەڵیاندا بین و هەر ئەرکێکى دیکەى پەرلەمانى مابێت بۆ ئاگادارى رەوشى یاسایى و ژیان و تەندروستیان لەپەیوەندیدابین، ماڵەکان و خانەوادەکانیانمان بەسەرکردەوە و لە نزیکەوە دوبارە گوێمان لێگرتن.

وتیشى: سەردانى ماڵى قارەمان شکورى-شمان کرد کە ئەو حوکمدراوە و هێشتا لە زینداندایە و دۆخى ژیانی خێزانەکەى زۆر ناهەموارە، بۆیە داواکارین دادگا بە دۆسیەکەیدا بچێتەوە و وەک کەیسەکانى دیکەى بادینان مامەڵەى لەگەڵ بکرێت.


هەواڵی زیاتر