فراکسیۆنى گۆڕان: داوا دەکەین لە نزیكترین كات دا حكومەتی هەرێمی پڕۆژەیاسای بودجە بنێرێت بۆ پەرلەمان

فراكسیۆنی گۆڕان رایدەگەیەنێت: رێكەوتنی نێوان حكومەتی فیدراڵی عێراق و حكومەتی هەرێمی كوردستان سەبارەت بە هەناردەكردنی نەوت لە ڕێی سۆمۆوە ئەم هەنگاوە هیچ  بەهانە و پاساوێک ناهێڵێ بۆ  نە ناردن و پەسەند کردنی پرۆژە یاسای بودجە بۆ  پەرلەمانی كوردستان.

هەروەک داوادەکات پەسەندکردنى بودجە بەشێوەیەک بێت کە دەستەبەرى شەفایەت لە دەهات و خەرجى و موچەى موچەخۆران بکات لەگەڵ خەرجکردنەوەى موچە نەدراو و پاشەکەوتکراوەکان و دادپەروەرى لە خزمەتگوزاریەکان و دەستپێکردنەوەى پڕۆژە وەستێنراوەکان.

دەقی یاداشتەكە:
بۆ بەڕێز/ سەرۆكایەتی پەرلەمانی كوردستان
بابەت: یاداشت
سڵاو و ڕێز...
 ێكەوتنی نێوان حكومەتی فیدراڵی عێراق و حكومەتی هەرێمی كوردستان سەبارەت بە هەناردەكردنی نەوت لە ڕێی سۆمۆوە ئەم هەنگاوە هیچ  بەهانە و پاساوێک ناهێڵێ بۆ  نە ناردن و پەسەند کردنی پرۆژە یاسای بودجە بۆ  پەرلەمانی كوردستان.
  بەپێ‌ی ماددەی (98) لە پەیرەوی ناوخۆی پەرلەمانی كوردستان  داوادەکەین لە نزیكترین كات دا حكومەتی  هەرێمی كوردستان پڕۆژەیاسای بودجە  ئامادە بکات و بینێرێت بۆ پەرلەمانی كوردستان. پەسەندكردنی پڕۆژەیاسای بودجە بەشێوازێك بێت كە :
1️⃣دەستەبەری شەفافیەت بكات لەداهات و خەرجیەکانی ناوخۆ و نەوت و خاڵە سنوریەكان.
2️⃣دەستەبەركردنی موچەی موچە خۆران  .
3️⃣خەجکردنی موچە نەدراو و پاشەکەوتکراوەکان .
4️⃣چەسپاندنی دادپەروەری لە پێشکەشکردنی سەرجەم خزمەتگوزارییەکان بۆ هەموو هاووڵاتیان و هەموو ناوچەکان  بە بێ جیاوازی.
5️⃣بەرزکردنەوەی ئاستی بژێوی  مامۆستایانی وانەبێژ و خانەنشینان و کەمئەندامان و خاوەن پێداویستی تایبەت .
6️⃣دانانی بەشە بودجە بۆ هەموو ئەو پرۆژانەی وەستێنراون .
ئەمە تاكە رێگای هەنگاونانە بۆ رونی و شەفافیەت لە کۆکردنەوەی داهات و خەرجییەکان لە  هەرێمی كوردستان کە لە هێڵە گشتییەکانی بەرنامەی کاری حکومەت بۆ کابینەی نۆهەم ئاماژەی پێدراوە ، بۆیە داوا دەكەین ئەم یاداشتە ئاراستەی سەرۆكایەتی ئەنجومەنی وەزیران و وەزیری دارایی و لایەنی پەیوەنیدار بكرێت بە زوترین كات كار لەسەر ئەم پرسە بكەن.
لەگەڵ رێزدا...
فراكسیۆنی گۆڕان
٥/٤/٢٠٢٣