جڤاتى نیشتیمانى بزوتنەوەى گۆڕان کۆبوەوە

04/06/2023

ئەمڕۆ یەکشەممە (٢٠٢٣/٦/4) كۆبونەوەی ئاسایی جڤاتی نیشتیمانى بزوتنەوەی گۆڕان بۆ تاوتوێكردنی دۆخی سیاسی و ئاڵنگارییەگان و دۆخی ناوخۆیی بەڕێوەچو.

لە کۆبونەوەکەدا، چەند پرسێکى هەنوکەیی سیاسى و یاسایی و ئابورى تایبەت بە دۆخى هەرێمى کوردستان و عێراق و رێککەوتنی ئەم دواییەی نێوان هەرێم و بەغدا و بڕیارى دادگاى فیدراڵى تاوتوێ کرا و دۆخی دارایی هەرێمی کوردستان و گوزەرانی هاوڵاتیان و خزمەتگوزارییەكان گفتوگۆی لەبارەوەكرا.

پەیوەست بە پرسی ئاشتەوایی و خۆڕێکخستنەوەى بزوتنەوەى گۆڕان، جڤاتى نیشتیمانى نەخشەڕێگایەکى گفتوگۆ کرد و بڕیاردرا شەممەى داهاتوو کۆبونەوە لەسەر هەمان پرس بەردەوامی هەبێت.

فۆتۆ: بڕیار نامیق


هەواڵی زیاتر