ژورى رەوەندى کوردى سیمینارێکى بۆ عەلى کەریمى رێکخست

ژورى رەوەندى کوردى بزوتنەوەى گۆڕان لە چوارچێوەى زنجیر‌ه‌ سیمیناری پەیوەست بە یادی سه‌د ساڵه‌ی په‌یمانی لۆزان، سیمینارێک بۆ عەلی کەریمی رێکدەخات.

له ‌چوارچێوه‌ی ئه‌و زنجیره‌ کۆڕ و سیمینارانه‌‌ی ژووری ڕه‌وه‌ندی کوردی لەساڵیادی سه‌د ساڵه‌ی رێککه‌وتنی لۆزاندا هه‌موو هەفتەیەک‌ بۆ که‌سایه‌تییه‌ ئه‌کادیمی،‌ مێژووناس و سیاسییه‌کان سازی ده‌کات، عەلی کەریمی، نوسه‌ر و ڕوناکبیر‌ بابەتێکى به‌ ناونیشانی (شۆڕشە چەکدارییەکانی کورد لە سەروبەندی پەیماننامەی لۆزان و دواتردا ‌) پێشکه‌شکرد.

عەلی کەریمی به‌ درێژی له‌سه‌ر بابه‌ته‌که‌ دوا و پاشان ئاماده‌بووان به‌ پرسیار و تێبنی و سه‌ڕنجه‌کانیان به‌شدارییان کرد و گفتوگۆى کراوە ئەنجامدرا.

بابه‌تی داهاتوی زنجیره‌ سمیناره‌که‌ بۆ د. جەعفەر عەلی مامۆستای زانکۆ به‌ ناونیشانی (لە سیڤەرەوە بۆ لۆزان، کورد لەبەردەم پرسیارەکانی ناسیۆنالیزمی تورکیدا) دەبێت له‌ رۆژی شه‌ممە‌ (8/7/2023) سەعات (8:00) به‌کاتی بەریتانیا و (9:00) بە کاتی ناوه‌ندى ئه‌وروپا و (10:00) به‌کاتی باشوری کوردستان، له‌سه‌ر وێنباری زووم.