باژێروانى کفرى: پێویستە هەمو لایەنەکان و یەکە ئیدارییەکان لە خزمەت خەڵک و شاریى کفریدا بین

باژێروانى کفرى بزوتنەوەى گۆڕان رایدەگەیەنێت؛ هەنگاوەکانى لایەنە پەیوەندیدارەکان بۆ  جێبەجێکردنى داواکارییەکانى خۆپیشاندەرانى کفرى بە دابینکردنى بەشێک لە پێویستیەکان و گۆڕانکارى یەکە ئیدارییەکان ئەرێنییە و پێویستە پێویستە هەمو لایەنەکان و یەکە ئیدارییەکان لە خزمەت خەڵک و شاریى کفریدا بین.

ئەمڕۆ سێشەممە وەفدێکی ئەنجومەنی قەزای کفری بزوتنەوەی گۆڕان، بەسەرپەرشتی رۆڤان سەروەت باژێڕوانی مەکۆ، سەردانى ساهیر عەلی جاسم قائیمقامی نوێى کفرییان کرد و لە دیدارێکدا پشتیوانی بزوتنەوەی گۆڕانیان بۆ هەر هەوڵ و هەنگاوێک دەربڕى کە لە خزمەت خەڵک و شارەکەدا بێت و رایگەیاند: هەنگاوەکانى لایەنە پەیوەندیدارەکان بۆ  جێبەجێکردنى داواکارییەکانى خۆپیشاندەرانى کفرى بە دابینکردنى بەشێک لە پێویستیەکان و گۆڕانکارى یەکە ئیدارییەکان ئەرێنییە و پێویستە پێویستە هەمو لایەنەکان و یەکە ئیدارییەکان لە خزمەت خەڵک و شاریى کفریدا بین.

ئەوە لەکاتێکدایە لەماوەى رابردودا بەشێک لە داواکارییەکانى خۆپیشاندەرانى کفرى لەلایەن وەزارەتەکانەوە جێبەجێکران و وەک باژێروانى کفرى کفرى ئاماژەى بۆکرد وەزیرى دارایی و ئابورى رەزامەندى داوە بە خەرجکردنى بڕى (64) ملیۆن دینار بۆ سێکتەرەکانى تەندروستى و کاروبارى کۆمەڵایەتى و وەرزش لە قەزاکە.