ئەنجومەنى قەزاى کفرى بزوتنەوەى گۆڕان چەند پرسێک تاوتوێ دەکات

ئەنجومەنی قەزای کفرى بۆ جێبەجێكردنی راسپاردەو بریارەکانی دوهەمین کۆنفرانسی نیشتیمانی، ئامادەکاری بۆ قۆناغی نوێ و میكانیزمەكانی خۆ رێكخستنەوە و چەند پرسێكی دیكە كۆبوەوە.
ئەمڕۆ سێشەممە (٢٠٢٤/٣/٥)، ئەنجومەنی قەزای کفرى بزوتنەوەی گۆڕان، بۆ گفتوگۆ و تاوتوێکردنى راسپاردەو بڕیارەکانی دوهەمین کۆنفڕانسی نیشتمانی، ئامادەکاری بۆ قۆناغێکی نوێ و روبەروبونەوەی ئاڵنگارییەکانیان لەگەڵ پرسی هەڵبژاردنە ناوخۆیەکان و هەنگاوەكانی خۆرێکخستنەوەو خۆنوێکردنەوەی پەیکەری رێکخراوەی بزوتنەوەی گۆڕان كۆبوەوە و لە دەستپێکی کۆبوونەوەکە یادى (٣٣) ساڵەی یادی ڕاپەڕین بە سەرپەرشتی ڕەوانشاد نەوشیروان مستەفا ئەندازیاری ڕاپەڕین و شەهیدانی ڕاپەڕین و چلەی کۆچکردوو مام لەتیف کەسایەتی و هەڵسوڕاوی بزوتنەوەی بەرز راگیرا و جەختکرایەوە لەوەى هەرێمی کوردستان لە هەموکات زیاتر بە ساتەوەختی پڕ ئاڵنگاری و قەیران و خراپی دۆخی ژیان و گوزەرانی هاوڵاتییان و موچەخۆران تێدەپەڕێت.

لە کۆبونەوەکەدا رۆڤان سەروەت باژێڕوانی مەکۆى کفری کارەکانی دوای کۆنفراسی نیشتیمانی و بڕیارى جڤاتى نیشتمانى پەیوەست بە جێبەجێکردنی ڕاسپاردەکانی کۆنفراسی نیشتیمانی و تەواوکردنی قۆناغی دووەمی هەڵبژاردنەناوخۆییەکان رونکردەوە بە ئامانجى چڕکردنەوەى هەوڵەکان بۆ قۆناغى نوێ و روبەڕوبونەوەى ئاڵنگارییەکان.
لە کۆبونەوەکەدا گفتوگۆ لەبارەى ئامادەکارییەکان بۆ هەڵبژاردنی پەرلەمانی کوردستان و دۆحى سیاسى و پێشهاتە نوێیەکان کرا و نەسرەدین محمود وردەکارى لەپرۆسەکە و ڕێکارە یاسایەکانی رونکردەوە.