کۆمیتەی دیپلۆماسی پارت و ڕێکخراوە کوردییەکان بە بەشدارى نوێنەرى گۆڕان کۆدەبێتەوە

کۆمیتەی دیپلۆماسی کە لە پارت و ڕێکخراوە کوردییەکان پێکدێت لە برۆکسل کۆبدەبێتەوە و نوێنەرى بزوتنەوەى گۆڕان دۆخى سیاسى و دوواین پێشهات و ئاڵنگاریی و مەترسییەکانى سەر دۆزى کورد و هەڵوێستى بزوتنەوەى گۆڕان پەیوەست بە دۆخى هەرێمى کوردستان و پەیوەندییەکان لەگەڵ حکومەتى ناوەند و قەیرانى دارایی و سیاسى دەخاتەڕو.

بە بە شداری (٣١) پارت و رێکخراو، کۆمیتەی دیپلۆماسی و نوێنەرایەتى کۆنگرەی نەتەوەیی کورد (کەنەکە) (٢٨)ـەم کۆبوونەوەىخۆى لە برۆکسل ئەنجامدا و تێیدا هەڵسەنگاندن بۆ دۆزی کورد لە ھە ر چوار پارچەی کوردستان و خستنەڕوی کێشە و ئاڵنگاری و پێشهاتەکان کرا.

ئیلهام ئەحمەد سەرۆکی دەستەی پەیوەندییەکانی دەرەوەی ئیدارەی خۆبەڕێوەبەری باکور و رۆژهەڵاتی سوریا، لە کۆبوونەوەکەدا تیشکی خستەسەر هەوڵەکان بۆ بەفەرمی ناساندنی ئیدارەی خۆبەڕێوەبەری باکوور و ڕۆژهەڵاتی سوریا و وتی: "ئێمە دەستکەوتی زۆر و قوربانیدانی زۆرمان هەیە، لە بەرامبەر هێرشەکاندا بەرخۆدانێکی جددی هەیە".

لاى خۆیەوە، میران ساڵح، ئەندامى ژورى رەوەندى کوردى کە بە نوێنەرایەتى بزوتنە وەی گۆڕان بەشدارى کۆبونەوەکەى کردوە، شیکاری و باسێکى لەسەر دۆخى باشوری کوردستان  و پرسى هەڵبژاردنەکان و کێشەى دارایی نێوان هەرێم و بەغداى خستەڕو، رونیکردەوە کە هەرێمى کوردستان بە قەیرانێکی سیاسی و ئابووریدا تێدەپەڕێت، هاوکات هەڵوێستى بزوتنەوەى گۆڕانى پەیوەست بە پرسە نەتەوەیی و نیشتمانییەکان دوپاتکردەوە و دوپاتى کردەوە کە خەڵکى کوردستان و موچەخۆران نابێت بخرێنە بەرداشى نێوان حکومەتى هەرێم و حکومەتى عێراق "پێویستە هەولێر و بەغدا پابەندى رێککەوتنەکانى نێوانیان بن".

لە کۆبونەوەکەدا دۆخى کەرکوک و تەواوى پارچەکانى کوردستان گفتوگۆیان لەبارەوە کرا و بڕیاردرا کۆنفرانسی لۆزان بۆ یەکڕیزی کورد کە ساڵی ڕابردوو بەڕێوەچوو، لە ئایندەیەکى نزیکدا دوبارە رێکبخرێتەوە.