ئەنجومەنى قەزاى کفری گۆڕان: شێلگیرتر دەبین بۆ ئەوەی تەواوی ئەو بەڵێنانەى بە ئێمە و خەڵکى شارەکەمان دراوە جێبەجێ بکرێن
10/07/2024
ئەنجومەنى
قەزاى کفری بزوتنەوەی گۆڕان لەساڵیادی مانگرتنە جەماوەرییەکەی خەڵکى قەزاکەدا رایدەگەیەنێت؛
لەدوای (٣٤) رۆژ لەمانگرتن کە خەباتێکی مۆدێرینی مەدەنی بوو سەلماندمان هەموومان بەیەکەوە
ئامانجمان تەنها خزمەتە و پێکەوە ئەنجامى دڵخۆشکەر و دەستکەوتمان دەبێت.
دەشڵێت:
کۆڕایی هەموومان و تەنها لە پێناوی شارەکەمان وایکرد کە حکومەت و هێزەسیاسیەکان لەسەر
ئاستی باڵا بێنە سەر هێڵ بۆ ئەوەی ئاوڕێک لەم قەزا هەرە دێرینەی کوردستان بدەنەوە،
هەرلەسەرەتای ئەم مانگرتنە جەماوەرییە ئێمە لە بزوتنەوەی گۆڕان و تیمە وزاریەکەمان
لە حکومەتی هەرێم و حکومەتی خۆجێی دەستپێشخەر بووین بۆ بەدەمەوەهاتنى مانگرتوان و خۆپیشاندەران و خەڵکى
بەشمەینەتى کفرى، بەشێوەیەک لەیەک هەفتەدا سێ وەزیری تیمەکەمان لەحکومەت سەردانی خێوەتی
مانگرتوانیان کرد بە هەگبەیەک لە پڕۆژە و ئاوردانەوە لە کفری و دواتریش سەرۆکی
حکومەت و جێگرەکەی بەدەم داواکاری مانگرتووانەوە هاتن.
دەشڵێت:
لەگەڵ ئەوەى سوپاسی هەموو ئەوانە دەکەین کە هاوکار و پشتیوانی مانگرتووان بوون،
جەخت دەکەینەوە کە ئێمە لەم ساڵیادەدا شێلگیرتر و ڕژد دەبین بۆ ئەوەی تەواوی بەڵینەکان
جێ بەجێ بکرێن و ئەم شارەی ئێمەش هاوتای شارەکانی تری کوردستان خزمەتی زیاتر بکرێت
دەقى
راگەیەندراوەکە:
هاوشارییانی
کفری خۆشەویست
گەرمیانیانیەتێکۆشەرەکان
ئەمڕۆ
١٠ ی تەمموز ساڵیادی یەکەمی مانگرتنە جەماوەرییە
سی و چوار ڕۆژییەکەی شاری کفریە ، کە ڕێکخراوی پاڵپشتی کفری و گەنجە بوێرەکان و زۆرینەی
لایەنە سیاسیەکان و خەڵکی بەشمەینەتی شارەکەمان لە دژی نەبوونی خزمەتگوزاری سەرەتایی
و پرۆژە و هەلی کار و ئاوەدانکردنەوەی پیرە شارە دێرینەکەی کوردستان ، بەو گەرما
تاقەت پڕۆکێنە بەدەنگی زوڵاڵ داوای کار و
پرۆژەمان کرد بۆ شارەکەمان ، لەدوای ٣٤ رۆژ لەمانگرتن کە خەباتێکی مۆدێرینی مەدەنی
بوو سەلماندمان هەموومان بەیەکەوە ئامانجمان تەنها خزمەت کردنی ئەم شارە بێناز و فەرامۆشکراوەی
باشوری کوردستانە کە مەترسی چۆڵبوون و گۆڕینی
دیمۆگرافیای لەسەر بوو.
کۆڕایی
هەموومان و تەنها لە پێناوی شارەکەمان وایکرد کە حکومەت و هێزەسیاسیەکان لەسەر
ئاستی باڵا بێنە سەر هێڵ بۆ ئەوەی ئاوڕێک لەم قەزا هەرە دێرینەی کوردستان بدەنەوە،
هەرلەسەرەتای ئەم مانگرتنە جەماوەرییە ئێمە لە بزوتنەوەی گۆڕان و تیمە وزاریەکەمان
لە حکومەتی هەرێم و حکومەتی خۆجێی دەستپێشخەر بووین بۆ هاتنە دەمەوەی مانگرتوان و
لەیەک هەفتە سێ وەزیری تیمەکەمان لەحکومەت سەردانی خێوەتی مانگرتوانیان کرد بە هەگبەیەک
لە پرۆژە و ئاوردانەوە لە کفری و دواتریش سەرۆکی حکومەت و جێگرەکەی بەدەم داواکاری
مانگرتووانەوە هاتن و بەشێک لەداواکارییەکانی مانگرتوان جێبەجێکران کە دەستکەوتی مەعنەوی
و وەگەڕخستنەوەی پرۆژە و هێنانی سەرۆکایەتی زانکۆ و قیرتاوکردنی ڕیگاوبانەکان و
هتد دەگرێتەوە.
ئێمە لەم
ساڵیادەدا شێلگیرتر و ڕژد دەبین بۆ ئەوەی تەواوی بەڵینەکان جێ بەجێ بکرێن و ئەم
شارەی ئێمەش هاوتای شارەکانی تری کوردستان خزمەتی زیاتر بکرێت . لێرەوە سوپاسی هەموو
ئەوانە ئەکەین کە هاوکار و پشتیوانی مانگرتووان بوون و دەستی ماندووبنی هەموو
مانگرتووێک و گەنجەکان و هاوڵاتیانی شارەکەمان
ئەگوشین کە پێکەوە هەموومان خەمی شار کۆیکردینەوە و لەئەنجامدا کفری سەلماندی شارێکی
رۆشنبیر و هەقبێژە ستەم و نادادی قبوڵ ناکات و بەئارامی و تێکنەدانی تەونی کۆمەڵایەتی
مافەکانی بەدەست دێنێت .
لەگەڵ ڕێزدا
بزوتنەوەی
گۆڕان
ئەنجوومەنی
قەزای کفری
١٠ ی تەمموزی ٢٠٢٤