ئەنجومەنى قەزاى کفرى ئامادەکارى و هەنگاویی کردەیی بۆ هەڵبژاردن تاوتوێ دەکات
16/09/2024
ئەمڕۆ (١٥ى٩ى ٢٠٢٤) ئەنجومەنى قەزاى کفری بزوتنەوەی گۆڕان بەسەرپەرشتی
رۆڤان سەروەت باژێڕوان، کۆبوونەوەی ئامادەکاری و دانانی لیژنەکانی ئامادەکارى بۆ هەڵبژاردنی
پەرلەمانی کوردستان ئەنجامدا.
لە کۆبوونەوەکەدا تیشک خرایە سەر گرنگی پڕۆسەى هەڵبژاردن بۆ بزوتنەوەی
گۆڕان و چڕکردنەوەى هەوڵەکان بۆ گەیاندنى بەرنامەى سیاسى و بەڕێوەبردنى پڕۆسەکە لە
چوارچێوەى رێنماییەکانى کۆمیسیۆن و بەشداریکردنى هەڵسوڕاوان و گۆڕانخوازان و
تەواوى هاوڵاتیان و دەنگدەران.
هەروەک میکانیزمەکانى بەڕیوەبردنى پڕۆسەکە تاوتوێکرا و جەختکرایەوە لەوەى
بۆ قۆناغى نوێ و لەپێناو روبەڕوبونەوەى ئاڵنگارییەکان تەواوى گۆڕانخوازان سەرمایەى
مرۆیی گرنگ و پێویستن.