ئەنجومەنی قەزای كەركوكی بزوتنەوەی گۆڕان: ئیدانەی هێرش و پەلاماری هێزە ئەمنیەكان دەكەین بۆ سەر جوتیارانی كوردچ
17/02/2025
مەكۆی كەركوكی بزوتنەوەی گۆڕان ئیدانەی هێرش و
پەلاماری هێزە ئەمنیەكانی عێراق دەكات بۆ سەر جوتیار و خاوەن زەویەكانی سنوری
ناحیەی سەرگەران و داوادەكات لایەنە پەیوەندیدارەكان بە پارێزگار و نوێنەرانی كورد
لە بەغدا چارەسەری ریشەیی پرسەكە بكەن .
ئێوارەی
ئەمڕۆ دوشەممە (17ی2ی2025) مەكۆی كەركوكی بزوتنەوەی راگەیەندراوێكی لەبارەی دواین
پێشهات و رێگرییەكانی سوپا و هێزەئەمنییەكان بۆ سەر جوتیار و خاوەن زەویەكانی
سنوری ناحیەی سەرگەران بڵاو كردەوە و تێیدا ئیدانەی ئەو هێرش و پەلاماردانە دەكات.
هاوكات
داوا دەكات حكومەتی خۆجێی بە پارێزگار و یەكە ئیدارییەكانی كەركوك و نوێنەرانی كورد لە فراكسیۆنە
كوردستانییەكان و حكومەتی عێراق ئەو هێرش و ڕێگریانەی سەر جوتیارانی كورد ڕابگرن و
فشاربكەن بۆ كاركردن بەو یاسایانەی لە پەرلەمان پەسەندكراون و دەنگیان لەسەردراوە
و بەوەش ماف بۆ جوتیارانی كورد لە سنوورەكە بگەڕێننەوە.