ژووری ڕەوەندی كوردی دوایین ئامادەكارییەكان بۆ كۆنفرانسی نیشتمانی لە ١٠ی ٤ی ٢٠٢٥ تاوتوێ دەكات

ئۆرگانەکانی ژورى رەوەندى کوردى تاوتوێی ئامادەكارییەكانی بەستنی سێیەم كۆنفرانسی  نیشتمانی بزوتنەوەی گۆڕان دەكەن لەو وادەیەی كۆمیسیۆنی باڵای هەڵبژاردنەكان دیاری كردووە لە (لە ١٠ی ٤ی ٢٠٢٥) و جەخت لە كاری پێكەوەیی و جێبەجێکردنی بەرنامەى سیاسی بزوتنەوەی گۆڕان دەكاتەوە بۆ قۆناغى نوێ.
‎
بە سەرپەرشتی رێكخەری ژوری رەوەندی کوردی بزوتنەوەى گۆڕان و بەشداری ئەندامانی جڤاتی نیشتمانی و جڤاتی گشتی لە رەوەندی كوردی و ئەندامانی ژووری ڕەوەند و سەرجەم بەرپرسی ئەنجومەنەکان، لەكۆبونەوەیەكدا گفتوگۆ لەسەر پرسی کۆنفرانسی سێیەمی نیشتمانی و کارو چالاکی داهاتووی ئۆرگانەکان تاوتوێ كرا.
‎لە کۆبونەوەى ژورى رەوەندى کوردى و ئۆرگانەکانى ژورەکە کە لە رێگاى وێبنارى زوم ئەنجامدرا، فوئاد جەمال رێکخەرى ژورى رەوەندى کوردى بەرچاوڕونى دا لەبارەى بارودۆخى سیاسی کوردستان و پێشهات و ئاڵنگارییەكان و دوایین ئامادەکارییەکانى بەستنی سێیەم کۆنفرانسی نیشتمانی لەو وادەیەی كۆمیسیۆنی باڵای سەربەخۆی هەڵبژاردنەكانی عێراق دیاریكردووە لە (10ی4ی2025) و هەوڵەکانى ئامادەکارى بۆ قۆناغى نوێ، هاوکات سەرلەنوێ رێکخستنەوە و چالاککردنەوەى ئۆرگانەکا گفتوگۆی گەرمی بەشداربوان بوو.

رێکخەری ژووری رەوەندی کوردی، تیشکی خستە سەر هەنگاوەکانی ئایندەی بزوتنەوەی گۆڕان و  بەستنی کۆنفرانسی نیشتمانی و شێوەی خۆڕێکخستنەوەی ئۆرگانی بزوتنەوەی گۆڕان و رێكارەكانی خۆنوێكردنەوەی لە دایالۆگێکی هەمەلایەنەدا بۆ ئامادەبوان ڕوون کردەوە، لای خۆیانەوە ‎ئامادەبوانی کۆبونەوەکە سەرنج و بۆچونی خۆیان پەیوەست بە تەوەرەکانى کۆبونەوەکە خستەڕو، داکۆکیکار بن لە جێبەجێکردنی بەرنامەى سیاسی بزوتنەوەی گۆڕان و جەختیش کرایەوە ئۆرگانەکانى ژورى ڕەوەندى کوردى بەیەکگرتووی کاربکەن بۆ ڕوبەڕوبونەوەى ئاڵنگارییەکان و قۆناغى نوێ و داکۆکیکردن لەسەر جێبەجێکردنی بەرنامەى سیاسی بزوتنەوەی گۆڕان و ڕێگریکردن لە هەر كۆسپ و تەگەرەیەك بۆ هەنگاوەكانی قۆناغی نوێ.