ژووری ڕەوەندی کوردی بزوتنەوەی گۆڕان كۆدەبێتەوە

ژووری ڕەوەندی کوردی بزوتنەوەی گۆڕان، دواین پەرەسەندنە سیاسیەکانی کوردستان و ناوچەکە و دۆخی ناوخۆیی بزوتنەوەی گۆڕان گفتوگۆ دەكات.

لەو كۆبونەوەیەدا كە بە سەرپەرشتی فوئاف جەمال سەلام ڕێکخەری ژوور لە رێگەی وێبناری زووم ئەنجامدرا، بڕیار و راسپاردەكانی كۆتا كۆبونەوەی هاوبەشی جڤاتی نیشتمانی و گشتی گفتوگۆكرا، هاوكات باس لە گرفت و ئاستەنگ و لەمپەڕەكان كرا و جەخت كرایەوە كە درێژە بدرێت بە چڕكردنەوەی هەوڵەكان و زاڵبوون بەسەر تەواوی ئاستەنگ و سەرخستنی ئامادەكارییەكان بۆ قۆناغی نوێ و روبەڕوبونەوەی ئاڵنگارییەكان.

دواتر بەشداربوان گفتوگۆ و ڕوئیای خۆیان لەبارەی هەنگاوەکانی  خۆڕێکخستنەوەی داهاتوی گۆڕان و  ئۆرگانەکانی  دەرەوەدا و پێشنیار و سەرنجەكانیان خستەڕو، لەو سۆنگەیەوە کۆبونەوەکە بە یەکدەنگ داوای بەزووی سەرپێخستنەوەی ئۆرگانەکانی بزوتنەوەی گۆڕانیان کرد و ئامادەیی دەربڕا بۆ هەر هەوڵ و ئامادەكارییەك بۆ ئەو مەبەستە.