ڕەوەندی كوردی بە ئامادەبونی بەرپرسانی ئیداری و سیاسی هۆڵەندا ڕێوڕەسمی نەورۆز و ساڵی نوێی كوردی رێكدەخات

لە شاری دەنهاخی هۆڵەندا، ڕەوەندی كوردی بە ئامادەبونی ژمارەیەك بەرپرسی حكومی و سیاسی هۆڵەندیی ڕێوڕەسمی نەورۆز و ساڵی نوێی كوردی رێكخست و پەیام و دەنگ و كەلتوری كوردی گەیاند.

لەو بۆنەیەدا كە هەریەك لە یان ڤان زانین پارێزگاری شاری دەنهاخ (لاهای)، كاتی پێری پەرلەمانتار لە پارتی کرێکاران ( pvda )، چەندین ئەندامی ئەنجومەنی شارەوانی دەنهاخ و ئەحمەد قەرەمووس هاوسەرۆكی (كەنەكە)، ڕێكخراوی ژنانی دەنهاخ، ژمارەیەك چالاكوان و میوان ئامادەی بوون، هەوراز جەمال ڕەفعەت بابەجان بە نوێنەرایەتی بزوتنەوەی گۆڕان بەشداری كرد.

لەوچالاكیەدا كە لەلایەن ڕێكخراوی دێم نێد بەڕێوەچوو، چەند وێڕای چالاكیەكانی نەورۆز دیاری كەلتوری كوردی پێشكەشی پارێزگار و میوانان كرا و هۆنراوە و پارچە موزیك پێشكەشكران، لای خۆیەوە هەوراز بابەجان لە دیداری لەگەڵ بەشداران و سیاسیە بەشدارەكان ئاماژەی بە بەرنامەی سیاسی بزوتنەوەی گۆڕان گۆڕان و پێداگری لە داكۆكی لە پرسی ڕەوای گەلی كورد كردەوە.