ئەنجومەنی قەزای كەركوكی بزوتنەوەی گۆڕان چەند پرسێك تاوتوێ دەكات

ئەنجومەنی قەزای كەركوكی بزوتنەوەی گۆڕان دۆخی شارەكە و ئاستی خزمەتگوزاری و پێشهاتە نوێیەكان و چەند پرسێكی ناوخۆیی وهەنگاوەكانی خۆڕێكخستنەوە تاوتوێ دەكات.

ئەمڕۆ شەممە، بە سەرپەرشتی عەزیز حەمید زەنگەنە باژێروانی كەركوكی بزوتنەوەی گۆڕان ئەنجومەنی قەزا و ژمارەیەك لە بازنە و رایەڵەكانی سنوری پارێزگاكە كۆبونەوە.

لە كۆبونەوەكەدا دواین پێشهاتەكان و دۆخی خزمەتگوزاری شارەكە و داواكاری و خواستی خەڵك و بەرەوپێشچوونە نوێیەكان گفتوگۆكران، هاوكات پەیوەست بە دۆخی ناوخۆیی؛ هەنگاوەكانی خۆڕێكخستنەوە و قۆناغی نوێ تاوتوێكرا بەمەبەستی رێكخستنەوەی ئۆرگانەكان و جێبەجێكردنی بەرنامەی سیاسی بزوتنەوەی گۆڕان بۆ خزمەتی خەڵك و شارەكە.