شەماڵ عەبدولوەفا: نابێت خەڵك لە دەنگدان بێ ئومێد بێت چونكە شەڕی گۆڕانكاریی بەردەوامە

شەماڵ عەبدولوەفا هەڵسوڕاوی گۆڕان رایدەگەیەنێت؛ ستراتیژی یەكێتی و پارتی ئەوەیە خەڵك لە دەنگدان سارد بكەنەوە بەڵام نابێت خەڵك  بێ ئومێد بێت چونكە شەڕی مەدەنی و گۆڕانكاری بەردەوامە.
شەماڵ عەبدولوەفا لە دیدارێکی کەناڵی (کەی ئێن ئێن) دوپاتیکردەوە، پەرلەمان شوێنی بەرگریكردنە لە خەڵك و ئیرادەی گۆڕانكاریی و چاكسازیی و هەق.
وتیشی: لەو كاتەوەی نەوشیروان مستەفا بزوتنەوەی گۆڕانی دروستكردو نەخێری بە روی یەكێتی و پارتیدا بەرزكردەوە، نەخێر لە كۆمەڵگەی ئێمە چەكەرەی كردوەو سەوز بوە‌و ئەو دو حیزبە دەیانەوێت ئەو نەخێرەی دروستبوە كۆتایی بێنن.
شەماڵ عەبدولوەفا دەڵێت: لە گفتوگۆیەكدا بە راشكاوی بە نەوشیروان مستەفای راگەیاندوە ئەو خەباتەی ئەو دەستپێكردوە خۆی بەرهەمی گۆڕانكارییەكەی بە تەواوی نایبینێت و ئەوە نەوەكانی ئێمەیە بەرهەمی خەباتی بزوتنەوەی گۆڕان و نەوشیروان مستەفا لە ساڵانی داهاتودا دەچنەوە.