فراکسیۆنی گۆڕان پرۆژەیەک بۆ چاکسازی بەبێ دەستکاریکردنی موچە ئامادە دەکات

27/03/2020

فراکسیۆنی گۆڕان پرۆژەیەک بۆ چاکسازی بەبێ دەستکاریکردنی موچەی فەرمانبەران ئامادە دەکات و دەڵێت ئێمە لەگەڵ بڕین و کەمکردنەوەی موچەی فەرمانبەراندا نین.

عەلی حەمە ساڵح سەرۆکی فراکسیۆنی گۆڕان ڕاگەیاند، ھەموو لایەک دڵنیا دەکەینەوە ئێمە لەگەڵ بڕین و کەمکردنەوەی موچە نین، پرۆژەیەکی تەوامان بۆ چاکسازی لە خەرجی و خانەنشینی نایاساو لە نەوت و خاڵە سنوریەکان و ڕێککەوتن لەگەڵ عێراق پێشکەش کردوە.

سەرۆکی فراکسیۆنی گۆڕان وتیشی، ئێمە لەگەڵ چاکسازین لەو دۆسیە گەورانەدا، نەک راستەوخۆ دەستبردن بۆ موچەی شایستەی فەرمانبەران.

ئەوە لەکاتێکدایە بەهۆی بڵاوبونەوەی کۆرۆنا و دابەزینی نرخی نەوتەوە، ماوەیەک دەنگۆی دەستکاریکردنی موچەی فەرمانبەرانی هەرێم بڵاوبۆتەوە.


هەواڵی زیاتر