وێنە؛ سەرۆکایەتی هەرێم و بزوتنەوەی گۆڕان کۆبونەوە
26/11/2019
هەواڵ و چالاکی
نێچیرڤان بارزانی بە سەرۆکایەتی وەفدێک گەیشتە مەکۆى سەرەکى بزوتنەوەى گۆڕان
لە شارى سلێمانى.
نیوەڕۆی ئەمڕۆ سێشەممە، نێچیرڤان بارزانى سەرۆکی هەرێمی کوردستان، بەیاوەرى مستەفا
سەید قادر و جەعفەر شێخ مستەفا، جێگرانی سەرۆکی هەرێمی کوردستان و ژمارەیەک لە
راوێژکارانی گەیشتنە مەکۆى سەرەکى بزوتنەوەى گۆڕان و لەلایەن عومەر سەید عەلی
رێکخەری گشتی و ئەندامانی خانەی راپەڕاندن و ژمارەیەک لە هەڵسوڕاوانی بزوتنەوەی
گۆڕانەوە پێشوازییان لێکرا.
سەردانەکەى سەرۆکى هەرێم بۆ سلێمانى بە ئامانجى
گفتوگۆکردنى زیاترە لەبارەى بارودۆخی هەرێمی کوردستان و پەیوەندییەکانی
هەولێر و بەغدا و یەکهەڵوێستى و یەکڕیزى لایەنە سیاسییە کوردیەکان بەرامبەر
حکومەتی فیدراڵی.
دوای کۆبونەوەی لەگەڵ بزوتنەوەی گۆڕان، سەرۆکی هەرێم و وەفدی هاوڕێی
سەردانی مەکتەبی سیاسی یەکێتی نیشتیمانی کوردستانیان کرد.
فۆتۆ: بڕیار نامیق