وێنە؛ کۆبونەوەى لیژنەى باڵاى هەڵبژاردنى گۆڕان بە سەرپەرشتى رێکخەرى گشتى
11/09/2021
هەواڵ و چالاکی
کۆبونەوەى لیژنەى باڵاى هەڵبژاردنى گۆڕان بە سەرپەرشتى رێکخەرى گشتى بەڕیوەچو،
سەرپەرشیارى ژورى هەڵبژاردنیش رایدەگەیەنێت؛ ئامانجمان ئەنجامدانى بانگەشەیەکى سەقامگیرە
بە نمایشکردنى نمونەیەکى جوان کە ببینە جیى متمانەى هاوڵاتیان و سەرکەوتنى گەورە
بەدەستبهێنین.
ئەمڕۆ شەممە (11/9/2021)، لیژنەى باڵاى هەڵبژاردنى بزوتنەوەى گۆڕان بە
ئامادەبونى کاندیدانى بزوتنەوەکە لە هاوپەیمانى کوردستان و بە سەرپەرشتى عومەر
سەید عەلى رێکخەرى گشتى، کۆبوەوە.
یاسین حەمە عەلى، سەرپەرشتیارى ژورى هەلبژاردن لەبارەى ناوەڕۆکى
کۆبونەوەکەوە رایگەیاند: کۆبونەوەکە بۆ خێراکردنى هەنگاوەکانى بانگەشەى گەرمى
ئەنجومەنى نوێنەران بەڕێوەچو، تێیدا تیشک خرایە سەر ئەو پلانکارە تۆکمەیە کە بۆ شێوازى
بانگەشەى کانددەکان و هاوپەیمانى کوردستان دانراوە، لەگەڵ هەڵسەنگاندنى هەڵمەتى
بانگەشەى دو رۆژى رابردو.
وتیشى: ئامانجمانە بانگەشەیەکى سەقامگیر و چڕ و پڕ بەڕیوەببەین بەشێوازێک
کە هاونیشتیمانیان نمونەیەکى جوان لە ئێمە ببین و ببینە جێى متمانەیان، بۆ رۆژانى
ئایندەش چالاکییەکانى هەڵمەتەکە هەمە جۆر دەبن لە روى مەیدانى و میدیایى بە
ئامانجى بەدەستهێنانى سەرکەوتنى گەورە لە هەڵبژاردنەکاندا.