سەرۆکی پەرلەمان: تێڕوانینە ستراتیژییەکانی نەوشیروان مستەفا ھەمیشە لە یادگە و بیرەوەریماندا بەزیندویی دەمێنێتەوە

هەواڵ و چالاکی

سەرۆکی پەرلەمانی کوردستان لە ساڵیادی کۆچی دوایی رەوانشاد نەوشیروان پەیامێکی بڵاوکردەوە کە ئەمە دەقەکەیەتی.

له‌ شەشەمین ساڵیادی  كۆچی دوایی سه‌ركرده‌ی مەزن و سیاسه‌تمه‌داری ناوداری گه‌له‌كه‌مان، ڕەوانشاد (نه‌وشیروان مسته‌فا)، بەشكۆوە سه‌ری ڕێزو وه‌فا بەرامبەر گڵكۆكەیان داده‌نەوێنین و یاد و یادەوەریی بەرز ڕادەگرین.

کۆچی دوایی کاک نەوشیروان بۆشاییەکی گەورەی خستە نێو کایەی سیاسی لە ھەرێمی كوردستان،  تێڕوانینە ستراتیژییە نیشتمانیەکانی بۆ چارەسەری دۆزی ڕەوای گەلەکەمان ھەمیشە لە یادگە و بیرەوەریماندا بەزیندویی دەمێنێتەوە، لەدەستدانی ئەم ستونە باڵایەی نێو گۆڕەپانی سیاسی و ڕێبازی كوردایەتی لە دەستدانی دونیابینییەکی مۆدێرن و واقیعی و کاریگەر بو لە خەباتی سیاسی و مەدەنی گەلەکەماندا.

به‌رزو شكۆدار بێت یادی كۆچی دوایی ئه‌ندازیاری ڕاپه‌ڕینە مەزنەکەی گەلەکەمان، درود بۆ ڕۆحی پاكی كاك نه‌وشیروان و سەرجەم شه‌هیدانی ڕێگای ڕزگاری کوردستان.

د. ڕێواز فایه‌ق
 سه‌رۆكی په‌رله‌مانی كوردستان