شاندێکى گۆڕان و جێگرى باڵیۆزى سوید کردەبنەوە
28/09/2021
شاندى بزوتنەوەى گۆڕان و جێگرى باڵیۆزى سوید هەڵبژاردنەکانی
ئەنجومەنی نوێنەرانی عێراق و مافی مرۆڤ و پڕۆسەی دیموکراسی و ئازادی رادەربڕین لە هەرێمی
کوردستان تاوتوێ دەکەن.
ئەمڕۆ سێشەممە (٢٨/٩/٢٠٢١)، کرستیان ئۆڵسۆن جێگری باڵیۆزی
سوید لە عێراق و لێپرسراوی نوسینگەی شانشینی سوید لە هەولێر و وەفدێکی هاوڕێی سەردانی
بزوتنەوەی گۆڕانیان کرد و لەلایەن کاردۆ محمد رێکخەری ژوری پەرلەمان و کاوە عومەر ئەندامی
ژوری هەڵبژاردن و نەجمەدین قادر ئەندامی ژوری پەیوەندیە سیاسیەکان پێشوازییان
لێکرا.
لە کۆبونەوەیەکدا شاندى هەردولا گفتوگۆیان کرد لەبارەی دۆخی
هەرێمی کوردستان و عێراق و هەڵبژاردنەکانی ئەنجومەنی نوێنەرانی عێراق و مافی مرۆڤ
و پڕۆسەی دیموکراسی و ئازادی رادەربڕین لە هەرێمی کوردستان، شاندى بزوتنەوەى گۆڕان
جەختیان لە بنەما سەرەکییەکانى بزوتنەوەکە کردەوە کە پێداگرە لە پێویستى
بەڕێوەبردنى هەڵبژاردنى پاک و بێگەرد و بێ ساختەکارى لەگەڵ چەسپاندنى بنەماکانى
دیموکراسى و فراوانکردنى مەوداکانى ئازادى دەربڕین.