کاردۆ محەمەد: دەستپێشخەرییەکەی گۆڕان دەتوانێت گرفتەکان چارەسەر بکات

29/05/2023

ئەندامێکى جڤاتى نیشتیمانى رایدەگەیەنێت؛ بەهۆى سیاسەتى هەڵەى یەکێتى و پارتى لەروى مافى مرۆڤ و ئازادییەکان و سەروەرى یاسا بە دامەزراوەییبون و دیموکراسى پاشەکشە هەیە و لێکترازانێک و ئاستەنگ دروستبوە، بەشێوەیەک دۆخەک لە قازانجى قەوارە و خەڵکى هەرێمى کوردستان نییە و دەستپێشخەرییەکەی گۆڕان دەتوانێت گرفتەکان چارەسەر بکات.

کاردۆ محەمەد، ئەندامى جڤاتى نیشتیمانى بزوتنەوەى گۆڕان ئاماژە بەوە دەکات؛ ئەو ئاڵۆزى و جەنجاڵى و روداو و کێشانەى روى لە ناوچەکە کردوە بە قازانجى دەستکەوتەکانى میللەتەکەمان و بەهێزى پێگە و ئەو قەوارەیە نیە کە هەرێمى کوردستان هەیەتى، هۆکارى سەرەکیش دۆخى ناوخۆیە کە بەشێک لە هێزە سیاسییەکان ناتوانن بە یەکگرتوى و بەبێ کێشە لە چوارچێوە گشتییە نیشتمانیەکەدا هاوڕا  و کۆک بن، "ئەم لکترازان و ناکۆکى و سەروەرنەبونى یاسا و دوبەرەکى و رێزدانەنانە بۆ دامەزراوەکان کاریگەرى هەبوە لەسەر هەمو پڕۆسەکان لەناویاندا هەڵبژاردن".

دەشڵێت: لێکترازانێک دروست بوە کە بوەتە هۆى ئاستەنگ بۆ پڕۆسەى سیاسى و بەهۆى سیاسەتى هەڵەى یەکێتى و پارتى لەروى مافى مرۆڤ و ئازادییەکان و سەروەرى یاسا بە دامەزراوەییبون و دیموکراسى پاشەکشە هەیە، بۆیە گۆڕان دەستپێشخەریەکى راگەیاند بۆئەوەى جارێکى دیکە لە پەرلەمان ئەو رێککەوتنەى فراکسیۆنەکان کردویانە بە پرسى کۆتاکانەوە دوبارە بهێنرێتەوە سەر مێزى گفتوگۆ و یاساى هەڵبژاردن هەموار بکرێتەوە و ئەو ئاستەنگانەى هەیە لەبەردەم پرۆسەى سیاسى و هەڵبژاردن هەڵبگیرێت.


هەواڵی زیاتر