ژوری رەوەندی کوردی لەگەڵ بەشێک لە هەڵسوڕاوانی وڵاتی سودی کۆدەبێتەوە

ژوری رەوەندى کوردى بزوتنەوەى گۆڕان ئەرکە رێکخراوەییەکان و پڕۆسەى ئاشتەوایی و کۆنفڕانسى نیشتیمانى لەگەڵ هه ڵسوڕاوانی سوید تاوتوێ دەکات.

لەو کۆبونەوەیەدا کە لە رێگای ئۆنلاین بە ئامادەبونی سەرپەرشتیاری ژوری رەوەند و ئەندامانی ژورەکە بەڕێوەچو، ئەرکە رێکخراوەییەکانى بزوتنەوەى گۆڕان لە سنورى ژوری رەوەند و وڵاتی سوید، بانگەوازکەى بزوتنەوەى گۆڕان و پرسى ئاشتەوایی و بەستنى کۆنفڕانسى نیشتیمانى تاوتوێ کرا.

هاوکات دواین هەوڵ و هەنگاوەکانى بەستنی دوەم کۆنفرانسی نیشتمانی بزوتنەوەى گۆڕان و پڕۆژەى ئاشتەوایی و هەنگاوەکانى خۆڕێکخستنەوە و ئامادەکارى بۆ قۆناغی داهاتو گفتوگۆى لەبارەوە کرا، لای خۆیانەوە هه ڵسوڕاوانی پێشنیار و سەرنجەکانیان خۆیان خستەڕو بۆ باشتر بەڕێوەچونى هەوڵ و هەنگاوەکان بۆ قۆناغی نوێ و رێکخستنەوەى ئۆرگانەکانى دەرەوە.