وەفدێکى کۆمەڵەى پێشمەرگە دێرینەکان سەردانى مەکۆى سۆران دەکەن

وەفدێکى کۆمەڵەى پێشمەرگە دێرینەکان سەردانى مەکۆى سۆران دەکات و لە دیدارێکدا خەبات و قوریانیدانى هێزى پێشمەرگەى کوردستان بەرز نرخێندرا و جەخت لە پێویستى یەکخستن و رێکخستنەوە و بەهێزکردنەوە و بە نیشتیمانیکردنى هێزەکانى پێشمەرگە کرایەوە.

ئەمرۆ یەکشەممە (٢٦/٢/٢٠٢٣)، وەفدێکى لقى سۆرانى کۆمەڵەى پێشمەرگە دێرینەکان بە سەرۆکایەتى ستار موسا، سەردانى مەکۆى سۆرانى بزوتنەوەی گۆڕانیان کرد و لەلایەن  شەوقى مستەفا باژێروانى مەکۆ و ژمارەیەک لە ئەندامانى ئەنجومەنى قەزاوە پێشوازییان لێکرا، لە دیدارێکدا باس لە خەبات و رەنج و ماندوبونی پێشمەرگە دێرینەکان کرا و ئاماژە بە رۆڵى مێژویی رەوانشاد نەوشیروان مستەفا لە دروستکردنەوە و رێکخستنەوەى هێزى پێشمەرگە بەرز نرهێندرا.

باژێروانى سۆرانى بزوتنەوەى گۆڕان لە دیدارەکەدا ئاماژەى بە روانینى بزوتنەوەى گۆڕان کرد بۆ رۆڵ و خەباتى هێزى پێشمەرگە و رونیکردەوە کە پێویستە رێ بگیرێت لە شێواندنى شوناسی پێشمەرگە و پێویستە وەک هەمیشە بە رەمزى نەتەوەیی و پارێزەری نیشتیمان بمێنێتەوە، ئەوەش بە یەکخستنەوە و رێکخستنەوەیان و بەهێزکردنەوەیان دەبێت.