کاردۆ محەمەد: پێویستمان بە یەکڕیزى و سیاسەتێکى نیشتیمانییانەى راستەقینە هەیە

ئەندامێکى جڤاتى نیشتیمانى بزوتنەوەى گۆڕان رایدەگەیەنێت؛ بەهۆى سیاسەتى هەڵە و لەدەستدانى زۆبەى دەرفەتەکان لە قۆناغە جیاجیاکان گەیشتوینەتە لێوارى مەترسى زۆر گەورە، بۆیە پێویستمان بە یەکڕیزى و پەیڕەوکردنی سیاسەت و دیدێکى نیشتیمانییانەى راستەقینە هەیە لەبەرژەوەندى خەڵکى کوردستان.

کاردۆ محەمەد، ئەندامێکى جڤاتى نیشتیمانى بزوتنەوەى گۆڕان رایدەگەیەنێت: بە حوکمى هەیمەنەى حیزبى، زۆربەى دامەزراوەکان لەلایەن هێزە دەسەڵاتدارەکانەوە پەکخراون، هاوکات بەهۆى سیاسەتى هەڵە و لەدەستدانى زۆبەى دەرفەتەکان لە قۆناغە جیاجیاکان
گەیشتوینەتە لێوارى مەترسى زۆر گەوەر کە هەموو ئەوانەش پەیوەندى بە نەبونى پڕۆژەى نیشتیمانى و دیدى هاوبەش هەیە.

ئەندامەکەى جڤاتى نیشتیمانى جەخت دەکاتەوە لەوەى؛ پێویستە هێز و لایەنە سیاسییەکان لەسەر ئاستى نەتەوەیی و نیشتیمانى لە بەغدا یەکگرتوبین و لە کوردستان ململانێ لەسەر کێشە و گرفتەکان و نەبونى عەدالەت و جێبەجێنەکردنى سەروەرى یاسا و کەموکوڕییەکان بکەین و دەشڵێت: یەکێک لە گرفتە سەرەکییەکانی کورد بە درێژایی مێژو وە ئێستاش پەیوەندى بە ناتەبایی و نەبونى یەکڕیزییەوە هەیە، بۆیە بەرامبەر دەرەوە پێویستمان بە یەکڕیزى و پەیڕەوکردنی سیاسەت و دیدێکى نیشتیمانییانەى راستەقینە هەیە.