سۆران؛ کۆبونەوەى ئەنجومەنى قەزاى بزوتنەوەى گۆڕان بەڕێوەچو
27/04/2023
ئەنجومەنى قەزاى سۆرانى بزوتنەوەى گۆڕان بۆ تاوتوێکردنى چەند پرسێکى
ناوخۆیی و دۆخى سیاسى و خزمەتگوزارییەکان و گوزەرانى خەڵک لە سنورەکە، کۆدەبێتەوە.
ئەمڕۆ پێنجشەممە (٢٧/٤/٢٠٢٣)، کۆبونەوەى ئاسایی ئەنجومەنی قەزای سۆران بە
ئامادەبونى باژێروان و دەستە و رایەڵەکان لە مەکۆ بەڕێوەچوو، تێیدا بارودۆخی سیاسی
و ئابوری و ئەمنی و کۆمەڵایەتی ناوخۆی هەرێم و ژیان و گوزەرانی هاوڵاتییانى
سنورەکە گفتوگۆى لەبارەوە کرا.
لە کۆبونەوەکەدا دۆخى ناوخۆیی بزوتنەوەى گۆڕان و هەنگاوەکانی ئاشتەوایی کۆنفڕانسی
نیشتیمانی و رێکخستنەوەی ئۆرگانەکان رۆنکرایەوە و گفتوگۆى لەبارەوە کرا، ئەندامانی
ئەنجومەن سەرنج و پێشنیارەکانیان خستەڕو.