باژێروانى سۆران: لە دیدى گۆڕاندا سەقامگیرى کۆمەڵایەتى و ئارامى ژیانى خەڵک ئەولەویەتە

باژێروانى سۆرانى بزوتنەوەى گۆڕان رایدەگەیەنێت؛ لە دیدى گۆڕاندا سەقامگیرى کۆمەڵایەتى و ئارامى ژیانى خەڵک ئەولەویەتە و پێویستە بپارێزرێت، هیواخوازین هێزە سیاسییەکان و کەسایەتی و توێژە جیاوازەکانیش پێکەوە هەماهەنگ و هاوکاربن بۆ ئاشتەوایی و پاراستنى سەقامیگرى.

دواى ئەوەى ئەمڕۆ بەرپرس و جێگر و ستافی ناوەندی کاروباری کۆمەڵایەتی یەکێتی نیشتیمانی کوردستان لەمەڵبەندی (٦)ی سۆران سەردانی مەکۆی سۆران بزوتنەوەی گۆڕانیان کرد و لەلایەن ژمارەیەک لە ئەندامانى ئەنجومەنى قەزاوە پێشوازیان لێکرا، لە دیدارێکدا دۆخى سیاسی و کۆمەڵایەتی و گوزەرانى هاوڵاتیان تاوتوێکرا و شەوقى مستەفا باژێروانى گۆڕان  دیدو پەیامەکانی گۆڕانى دوپاتکردەوە و هیوای خواست هێزە سیاسییەکان و کەسایەتی کۆمەڵایەتی و مامۆستایانی ئاینی و ئەکادیمیەکان رۆڵی ئەرێنی ببینن و هاوکاربن بۆ ئەوەی کێشەوئاریشەکانی نێو کۆمەڵگا لەڕێی یاسا و دادگا چارەسەربکرێن و دەستێوەردانی حزب لەگرفتەکۆمەڵایەتیەکان ڕێگری لێبکرێت.

وتیشى: هیواخوازین هەموو لایەک پێکەوە کاربکەین سەقامگیری کۆمەڵایەتی جێگیربکرێت، لەپێناو دروکەوتنەوە لە هەر بەریەککەوتن و ئاڵۆزییەکى کۆمەڵایەتى کە لێکەوتەى نەرێنى و ناسەقامیگرى و کۆمەڵایەتى و ئەمنیش بەدواى خۆیدا دێنێ.