پەرلەمانتارێکى گۆڕان: بەهۆى ناکۆکیەکانى یەکێتى و پارتییەوە زیاتر لە (50) رۆژە دانیشتنى پەرلەمان بەڕێوەنەچوە

08/05/2023

پەرلەمانتارێکى گۆڕان رایدەگەیەنێت؛ دۆخى سیاسى و ناکۆکییەکانى یەکێتى و پارتى کاریگەرى لەسەر فراکسیۆنەکان و خودى پەرلەمانیش کردوە و وایکردوە زیاتر لە (50) رۆژە دانیشتنى پەرلەمان بەڕێوەنەچوە.

شاخەوان رەئوف بەگ، ئەندامى پەرلەمانى کوردستان لە فراکسیۆنى گۆڕان جەخت دەکاتەوە لەوەى یەکڕیزى لایەنە سیاسییەکان و هەماهەنگى فراکسیۆنەکان لە پەرلەمانى کوردستان لەپێناو بەرژەوەندى خەڵکى کوردستان بەلاى گۆڕانەوە گرنگە و دەڵێت: پێویستە چیتر یەکێتى و پارتى لە دۆسیەکانى پەیوەست بە بەرژەوەندییەکانى خەڵک کات نەکوژن و رۆل بۆ پەرلەمان بگەڕێنرێتەوە.

ئەوەش دەخاتەڕو کە ئەو یاداشت و داواکارییە حەوت خاڵیەى فراکسیۆنى گۆڕان لەماوەى رابردو بڵاوى کردەوە و پەیوەست بە کایەکانى حکومڕانى بڕیارە لەگەڵ دەستەى سەرۆکایەتى گفتوگۆى بکەین لەپێناو هێنانە کایەى دۆخێکى باشتر.


هەواڵی زیاتر