ئایندەی کەرکوک و ناوچە دابڕێنراوەکان .. ئاستەنگ و چارەسەر لە سیمینارێکى ژورى رەوەندى بزوتنەوەى گۆڕاندا

ژورى رەوەندى کوردى سیمینارێک بۆ تاوتوێکردنى دۆخى کەرکوک و ناوچە کوردستانییە کێشە لەسەرەکان رێکدەخات و تێیدا مەترسى و ئاستەنگەکان بۆ پرسى کورد لەوناوچانە رونکرایەوە و پێشنیازى ورد و ئانى بۆ چارەسەرى دۆخەکەش خرایەڕوو.

له‌ درێژه‌ی ئه‌و زنجیره‌ سیمینارانه‌ی که‌ ژووری ڕەوەندی کورد لە رێگای وێبناری زووم بۆ نووسە‌ران، مێژووناس، ئه‌کادیمی و ڕۆشنبیران سازی ده‌کات، کۆڕێكى بۆ لەتیف فاتیح فەرەج لە ژێر ناوى (مەترسیەکانی سەر ئایندەی کورد و کەرکوک) رێکخست.

له‌ سیمیناره‌که‌یدا لەتیف فاتیح فەرەج ره‌وشی ئێستای که‌رکوک و مەترسییەکانى سەر دۆزى کوردى لە ناوچە کێشە لەسەرەکان رونکردەوە کە بەهۆى ناکۆکی و ململانێکانى نێوان پارتی و یه‌کێتی هه‌ستی نه‌ته‌وایه‌تی بەرەو کاڵبونەوە دەچێت و دەنگى کورد پەرت دەبێت.

هاوکات مەترسییەکانى ناهاوسه‌نگی ڕێژه‌ی له‌دایکبوون لەنێوان کورد و عه‌ره‌ب و کۆچکردنی خه‌ڵکی که‌رکوک و فرۆشتنی موڵک و خانوو به‌ خه‌ڵکی عه‌ره‌ب و کۆى مەترسییەکان خرانەڕوو، هاوکات هه‌ندێک رێگەچارە و پێشنیازی خستەڕو لە گرنگترینیان به‌شداریی کاراى کورد له‌ هه‌ڵبژاردندنەکان و جێبه‌جێکردنی مادده‌ی (١٤٠) به‌ گه‌ڕانه‌وه‌ی قه‌زا و ناحیه‌ کوردییەکان بۆ سه‌ر پارێزگای که‌رکوک و گه‌ڕانه‌‌وه‌ی به‌رپرسان و سه‌رمایه‌دارانی کورد‌ بۆ ژیانکردن لەناو که‌رکوک و رێککەوتنى لایەنە سیاسییەکان لەسەر پڕۆژەیەکى هاوبەشى نیشتیمانی چاره‌سه‌ریی کێشه‌ی که‌رکوک.

لە سیمینارەکەدا ژماره‌یه‌کی به‌رچاو میوان ئاماده‌ی بوون و گفتوگۆی ورد کرا له‌ سه‌ر دۆخى ئیستا و ئایندەى شاری که‌رکوک و ده‌وروبه‌ری و چەندین پرسیار وپێشنیار کرا.