باژێروانى سۆرانى بزوتنەوەى گۆڕان: ئەرکە لەسەر دەسەڵات خزمەتى توێژەکانی کۆمەڵگە بکات، نەک ببنە ئاستەنگ و بارگرانى بۆسەر ژیانى خەڵک

وەفدێکی مەڵبەندی سۆرانى حزبی شیوعی سەردانی مەکۆی سۆرانى بزوتنەوەی گۆڕان دەکات و لە کۆبونەوەیەکدا پەیوەندییەکانى نێوان هەردولا و پرسی هەڵبژاردنەکان و ئاڵنگارییەکانی ناوچە جێناکۆکەکان و بارودۆخ و ژیان و گوزەرانی خەڵک و موچەخۆران تاوتوێ کران.

لە کۆبونەوەکەداهەردولا جەخەتیان کردەوە لە پێویستى یەکڕیزی لایەنە کوردیەکان لە کەرکوک و ناوچە کوردستانییەکانى دەرەوەى ئیدارەى هەرێم لەپێناو پاراستنی پێگە و هێزى کورد و بەرژەوەندییەکانی هاوڵاتیانى کورد لەوناوچانەی بەهۆی سیاسەتی هەڵەى هەردو حزبی دەستەڵاتداری هەرێم بونەتە قوربانی ململانێی نابەجێی سیاسی و سەربازی ئەو دوو حزبە .

لاى خۆیەوە باژێروانى سۆرانى بزوتنەوەى گۆڕان جەختى کردەوە لەوەی ئەرکە لەسەر دەسەڵات خزمەت بەچین و توێژەکانی کۆمەڵگا بکات و دادپەرەوەری کۆمەڵایەتی و ناوچەیی فەراهەم بکات لەوە زیاتر نەبن بە ئاستەنگ لەبەردەم خۆشگوزەرانی خەڵک.