ئەنجومەنی قەزای سۆرانى بزوتنەوەى گۆڕان کۆدەبێتەوە

ئەنجومەنی قەزای سۆرانی بزوتنەوەی گۆڕان هەڵوێستى بزوتنەوەکە لە هەڵبژاردنى ئەنجومەنى پارێزگاکان بەرزدەنرخێنێت بەوەى بەشێک نەبوە لە فەوتاندنی دەنگی کورد لە ناوچە کوردستانییە کێشە لەسەرەکان، هاوکات پرسى هەڵبژاردنە ناوخۆییەکان و گوزەرانى هاوڵاتییان تاوتوێ دەکات.

ئەمڕۆ شەممە (٢٣/١٢/٢٠٢٣)، ئەنجومەنی قەزای سۆرانی بزوتنەوەی گۆڕان کۆتا کۆبونەوەی لەمساڵەدا ئەنجامدا و تێیدا چەند پرسێکى ناوخۆیی و دواین بڕیارى جڤاتى نیشتیمانى بۆ هەڵبژاردنى خولێکى دیکەى خانەى راپەڕاندن و رێکخەرى گشتى و قۆناغى نوێى رێکخستنەوەى ئۆرگانەکان و گوتارى سیاسى و پێشهاتەکان گفتوگۆیان لەبارەوە کرا.

لە کۆبونەوەکەدا دۆخی سیاسی و ئابوری و ژیان و گوزەرانی هاوڵاتیان و دروستبونى ئاستەنگ بۆ پڕۆژە خزمەتگوزارییەکان هەڵوەستەیان لەبارەوە کرا و جەخت کرایەوە لە پەیام و پڕۆژەکانی بزوتنەوەى گۆڕان بۆ بەدەمەوەچونى داخوازییەکانى خەڵک.

هاوکات کۆبونەوەکە لەگەڵ پیرۆزبایی لە هاوڵاتییانى کورد لە ناوچە کوردستانییە دابڕێنراوەکان کە چاویان لە کەمتەرخەمى و ململانێى لایەنە سیاسییەکان پۆشى و بە رۆحیەتێکى نیتشتیمانى و نەتەوەیی بەشدارى کارایان هەبو لە پڕۆسەکە، هەڵوێستی بزوتنەوەى گۆڕانى بەرزنرخاند بەوەى نەبووە بەشێک لەفەوتاندنی دەنگی کورد لەو ناوچانە.