ئەنجومەنی قەزای رانیە بۆ جێبەجێكردنی راسپاردەو بڕیارەکانی کۆنفرانس ئامادەکارى بۆ قۆناغی نوێ کۆدەبێتەوە.

ئەنجومەنی قەزای رانیە بۆ جێبەجێكردنی راسپاردەو بریارەکانی دوهەمین کۆنفرانسی نیشتیمانی بزوتنەوەى گۆڕان، ئامادەکاری بۆ قۆناغی نوێ و هەڵبژاردنەکان کۆدەبێتەوە.

ئەنجومەنی قەزای رانیەى بە سەرپەرشتی رسوڵ مستەفا باژێڕوانی قەزای ڕانیە و ئامادەبونى ژمارەیەک لە هەڵسوڕاوانی سنوری مەکۆی ڕانیە کۆبوەوە بەمەبەستی جێبەجێکردنی راسپاردەکانی دووەمین کۆنفڕانسی نیشتمانی بزوتنەوەی گۆڕان و تاوتوێکردنى دواین پێشهاتەکان و خۆئامادەکردن بۆ هەڵبژاردنە ناوخۆیەکان و ئامادەکاری بۆ هەڵبژاردنی پەڕلەمانی کوردستان.

لەکۆبوەکەدا خراپى دۆخی ژیان و گوزەرانی هاوڵاتیان و موچەخۆران و مامۆستایان گفتوگۆیان لەبارەوەکراو جەختکرایەوە لەپێویستی خستنەگەڕی تەواوی هەوڵەکان بۆ بەدەستهێنانی شایستە داراییەکان و دابەشکردنی موچەی موچەخۆران و رێگرى لە زیاتر دواکەوتنى، هاوکات کارکردن بۆ جێبەجێکردنی بەرنامەی سیاسی بزوتنەوەی گۆڕان و ئامادەکاری بۆ قۆناغێکی نوێ و روبەروبونەوەی ئاڵنگارییەکانیان جەختی لێکرایەوە.