باژێروانى سەیدسادق: پشتیوانی هەموو هەوڵێکین بۆ خزمەتی خەڵک و شارەکەمان بێت

باژێروانى سەیدسادقى بزوتنەوەى گۆڕان رایدەگەیەنێت؛ پشتیوانی هەموو هەوڵ و کارێکى پێکەوەیین کە بۆ خزمەتی خەڵک و قەزاکەبێت و ئەوەش بە ئەرکى بزوتنەوەکە دەزانێت بۆ پشتیوانى هاوڵاتیان و خزمەتکردنى تەواوى شار و شارۆچکەکان.

بەشێک لە ئەندامانی گروپی ژیانەوەی سەیدسادق، سەردانی مەکۆی سەیدسادقی بزووتنەوەی گۆڕان دەکەن و لەلایەن  باژێڕوان و بەشێک لە هەڵسوڕاوانی دەستەی بەڕێوەبەر و ئەنجومەنی قەزاوە پێشوازیان لێکرا، لە دیدارێکدا گفتوگۆ کرا لەبارەى چۆنیەتی بەگەڕخستنى هەوڵەکان بۆ خزمەتکردنی زیاترى قەزاکە و بەگەڕخستنەوەی پرۆژە خزمەتگوزاریەکان بە هەماهەنگى و کاری پێکەوەیی بۆ خزمەتی هاوڵاتیان.

لاى خۆیەوە مەڵبەند ئەحمەد، باژێروانى سەیدسادقى بزوتنەوەى گۆڕان ئاماژەى بەوەکرد کە ئامانجى بزوتنەوەى گۆڕان خزمەتە بە خەڵکى کوردستان و ئامانجی مەکۆى سەیدسادقیش پتەوکردنى پەیوەندییەکانە لەگەڵ هاوڵاتیان و خزمەتکردنى قەزاکە بۆئەوەش چەندین هەوڵ و دەستپێشخەرییان هەبوە، وتیشى: دوپاتى دەکەینەوە کە پاڵپشتى هەر ئهەوڵێک دەبین کە خزمەت بە خەڵکى خۆمان و قەزاکەمان بکات و هەر ئەرکێک بکەوێتە ئەستۆمان بە خۆشحاڵیەوە جێبەجێی دەکەین".

لە بەرامبەردا گروپەکە ستایشى هەڵوێستى ئەنجومەنى قەزاى سەیدسادقیان کرد و پاڵپشتى و پشتیوانیەکانى بزوتنەوەى گۆڕانیان بەرزنرخاند.