مەكۆی سەیدسادق: هەیكەلیەتی زۆرینەی ئۆرگانەكانی سنورەكەمان رێكخراونەتەوە

ئەمڕۆ شەممە (١ی٨ی٢٠٢٦)، ستافی مەكۆی سەیدسادقی بزوتنەوەی گۆڕان سەردانی مەكۆی سەرەكیان كرد لە شاری سلێمانی و لەگەڵ دانا ئەحمەد مەجید كۆبونەوە.

لە دیدار و سەردانەكەدا گفتوگۆ لەبارەی دۆخی سیاسی، ئاڵنگاری و پێشهاتەكان كرا، هاوكات گفتوگۆی دوایین بەرەوپێشچوون و ئامادەكارییەكان كرا پەیوەست بە دۆخی ڕێكخراوەیی و هەنگاوەكانی رێكخستنەوەی ئۆرگانەكان و لەوچوارچێوەیەدا مەكۆی سەیدسادق لە دووتوێی ڕاپۆرتێكدا رونیان كردەوە كە هەیكەلیەتی زۆرینەی ئۆرگان و یەكە رێكخراوەییەكانی سنورەكەیان رێكخراونەتەوە و لە پەیوەندی و هەماهەنگیشدان لەگەڵ زۆرینەی ئەو هەڵسوڕاو و كەسایەتیانەی پێشتر پاڵپشتی بزوتنەوەی گۆڕانیان كردووە بۆئەوەی لە قۆناغی نوێدا بە هەمان گوڕ و تینەوە لەپشت بزوتنەوەكەبن.

هەروەك جەختكرایەوە لەوەی كاری پێكەوەیی بكرێت بۆئەوەی بتوانرێت لە سنوری قەزا و شارۆچكەكاندا هەڵسوڕاوان رێكبخرێنەوەو هەماهەنگی زیاتر بكرێت بۆ قۆناغی داهاتوو.