ئۆرگانەكانی رەوەندی كوردی: لیستی (114)ی گۆڕان و كاندیدانی سەربخەین
06/10/2024
ئۆرگانەكانی رەوەندی كوردی بزوتنەوەی گۆڕان بۆ
تاوتوێكردنی دواین پێشهاتەكان و ئامادەكارییەكان بۆ هەڵبژاردنی پەرلەمانی كوردستان
كۆبونەوە.
لە كۆبونەوەكەدا كە لە رێگەی وێبناری زووم ئەنجامدرا و
زۆرینەی هەڵسوڕاوانی ئۆرگانەكانی رەوەندی كوردی بزوتنەوەی گۆڕان تێیدا بەشداربون،
فوئاد جەمال رێكخەری ژوری رەوەند بەرچاوڕونی دا لەبارەی ئامادەكارییەكانی
بزوتنەوەی گۆڕان و بانگەشەی لیستی (114)ی بزوتنەوەی گۆڕان.
لای خۆیانەوە بەشداربوانی كۆبونەوەكە جگە لە خستنەڕوی
سەرنج و پێشنیازەكانیان بۆ سەرخستنی پڕۆسەكە، جەختیانكردەوە هەمو هەوڵ و توانایان
دەخەنەگەڕ بۆ پشتیوانی كاندیدانی گۆڕان و سەرخستنی لیستی (114)ی بزوتنەوەی گۆڕان.