بەرپرسی ئەنجومەنی نەمسای بزوتنەوەی گۆڕان بەشداری مەراسیمێكی باڵیۆزخانەی عێراق لە ڤیەننا دەكات

بەرپرسی ئەنجومەنی نەمسای بزوتنەوەی گۆڕان بەشداریی لە خوانێکی بەربانگی باڵیۆزخانەی کۆماری عێراق لە شاری ڤیەنا دەكات،

لەو ئێوارە خوانەدا كە بۆ ڕەوەندی عێراقی و کوردی لە وڵاتی نەمسا ڕێکخرابو، وەك ناوەندێک بۆ کۆکردنەوەی سەرجەم ڕەنگ و دەنگە جیاوازەکان لەژێر چەتری نیشتمانپەروەریدا، هاوڕێ قوربانی، بەرپرسی ئەنجومەنی نەمسا، وەک نوێنەری بزوتنەوەی گۆڕان بەشدارییەکی کارای كرد بە خستنەڕوی گوزارشت لە دیدگای بزووتنەوەی گۆڕان دەکات بۆ بەهێزکردنی پەیوەندییە دیپلۆماسییەکان و دروستکردنی پردی پەیوەندی لە نێوان ڕەوەندی کوردی و دامەزراوە فەرمییەکاندا.

بەشداری هاوڕێ قوربانی لەم مەراسیمەدا تەنها وەک بەشدارییەکی پرۆتۆکۆڵی نەبوو، بەڵکو وەک کەسایەتییەکی دیار و خەمخۆر بۆ پرسی ڕەوەند هەڵوێست و بۆچونەكانی خستەڕو، ئەوەش لە چوارچێوەی پەرەپێدانی کارەکانی ئەنجومەن و کاراکردنی ڕۆڵی کورد لە نێو کۆمەڵگەی نەمساییدا.