ڤیدیۆ؛ مەراسیمی ساڵیادی خۆپیشاندانەکانی (17)ی شوبات بەڕێوەدەچێت
02/04/2020
دوشەممە، نۆیەمین ساڵیادی خۆپیشاندانەکانی (17)ی شوبات و رۆژانی دوایی بەڕێوەدەچێت.
ئیسماعیل عەبدوڵا، وتەبێژی کەسوکاری شەهیدانی (17)ی شوبات بە (سبەی)
راگەیاند: مەراسیمی ساڵیادی شەهیدانی (17)ی شوبات و رۆژانی دوایی، سەعات
(10)ی سەر لەبەیانی لەسەر مەزاری شەهید رێژوان، یەکەم شەهیدی
خۆپیشاندانەکان بەڕێوەدەچێت.
وتیشی :"سەعات سێی سبەینێ لە هۆڵی رۆشنبیری سلێمانی مەراسیمێکی تایبەت
رێکدەخرێت و وتاری کەسوکاری سەرجەم شەهیدانی خۆپیشاندانەکان پێشکەش دەکرێت،
هەر لە مەراسیمەکەدا سێ خەڵات بەسەر سێ کەسایەتییدا دابەش دەکرێت کە
بەردەوام پشتیوانی کەسوکاری شەهیدان بون".
سلێمانی/ بڕیار نامیق
.